Jump to content

წიწკვი რაინდი

Members
  • კონტენტის რაოდენობა:

    367
  • რეგისტრაციის დრო:

  • ბოლოს შემოვიდა:

  • მოგებული დღეები:

    2

წიწკვი რაინდი last won the day on იანვრის 6 - ში

წიწკვი რაინდი had the most liked content!

რეპუტაციის ქულა:

127 Excellent

About წიწკვი რაინდი

  • Rank
    აქტიური წევრი

Recent Profile Visitors

943 profile views
  • Ghost

  • Kitty

  • splendid560

  • Beqson

  • oedipus

  1. სმარტფონების სამყაროში კამერის ტექნოლოგიები მნიშვნელოვნად დაიხვეწა და განვითარდა. თქვენ უკვე საშუალება გაქვთ სმარტფონით გადაიღოთ პროფესიონალური დონის ფოტოები ან ვიდეოები, რისთვისაც აუცილებელია სმარტფონს ჰქონდეს მინიმუმ საშუალო დონის კამერის სენსორი(სასურველია მინიმუმ 1/3 დიუმის ზომის სენსორი), საშუალო ზომის დიაფრაგმა(სასურველია F2.0 დიაფრაგმა და საუკეთესო ვარიანტი იქნება F1.8). რაც მთავარია სმარტფონის კამერის აპლიკაციას უნდა ჰქონეს ხელით მართვადი რეჟიმები ე.წ. Pro რეჟიმი და კამერის აპლიკაცია მაქსიმალურად უნდა იყოს ოპტიმიზირებული. მოცემულ სტატიაში სმარტფონის კამერის გამოყენების სწავლებასთან ერთად შემოგთავაზებთ საუკეთეს ვარიანტებს, რომელი სმარტფონი გამოგადგებათ საუკეთესო შედეგის მისაღწევად კატეგორიების მიხედვით. ISO(შუქმგრძნობელობა) ISO კამერების ინდუსტრიაში არის სინათლის მგრძნობელობის სისწრაფის საზომი ერთეული, რაც უფრო მაღალია ISO მაჩვენები მით უფრო მაღალია სინათლის მგრძნობელობაც. შესაბამისად გამოსახულება მაღალ ISO მაჩვენებზე უფრო ნათელია, მაგრამ იკარგება დეტალები და ნათელი ფოტოს სანაცვლოდ ჩვენ გვიწევს უარი ვთქვათ ფოტოზე, რომელსაც უკეთესი დეტალიზაცია აქვს. დაბალ ISO მაჩვენებზე გამოსახულება უფრო ბნელია, მაგრამ გამოსახულება უფრო დეტალურია და მკვეთრი ფერები აქვს. რა თქმა უნდა შეიძლება საუკეთესო შუალედის პოვნაც! იმ შემთხვევაში თუ თქვენ დღისით იღებთ ფოტოს, სასურველია გამოიყენოთ ISO50, 100 ან მაქსიმუმ 200 შუქმგძნობელობა, რომ მოხდეს გამოსახულების დაბალანსება. ღამით გადაღების დროს ISO50 მაჩვენებზე შესაძლოა გამოსახულება ძალიან ბნელი იყოს, შესაბამისად სასურველია სცადოთ ISO200 ან ISO400 შუქმგრძნობელობა. იმ შემთხვევაში თუ თქვენ მაღალ ISO მაჩვენებს გამოიყენებთ, გამოსახულება რა თქმა უნდა ნათელი იქნება, მაგრამ ვერ ისიამოვნებთ გამოსახულების ფერებით და დეტალებით. ISO შუქმგრძნობელობისთვის ამ დროისთვის საუკეთესო სმარტფონებია Huawei P20 Pro და Sony Xperia XZ2 Premium. სტანდარტულად სხვა სმარტფონებში ISO შუქმგრძნობელობა მინიმალური გვხდება 100 და მაქსიმალური 800, ხოლო P20 Pro-ში ფოტო გადაღების დროს მინიმალური გვხდება 50 და მაქსიმალური 102400, რაც სმარტფონისთვის ძალიან მაგარი ციფრებია. განსაკუთრებული ვარიანტი გვხდება XZ2 Premium-ში, ფოტო გადაღების დროს მინიმალური ISO მაჩვენებელი არის 50 და მაქსიმალური 51200, ხოლო ვიდეო გადაღების დროს მინიმალური 50 და მაქსიმალური 12800, რაც ნამდვილი სიახლეა. ორივე სმარტფონი ფოტოს გადაღების დროს ხელით მართვის შემთხვევაში ISO გრძნობელობიდან მაქსიმალურ ვარიანტიდან გვარჩევინებს 3200-ს ან 6400-ს, რადგან სხვა შემთხვეაში ძალიან ცუდ შედეგს მივიღებთ. ორივე კამერას აქვს სპეციალური ღამის რეჟიმი, რის შედეგადაც სმარტფონები იყენებენ მაქსიმალურ შუქმგრძნობელობას ისე, რომ დეტალიზაციაც და ფერებიც იდეალურად ბალანსირდება, ამის მიზეზი კი მონოქრომული სენსორია, რომელიც ფერად კამერის სენსორთან ერთად მუშაობს! ამასთანავე, ორივე კამერა სპეციალური ღამის რეჟიმის დროს იღებს მულტი რაოდენობის ფოტოს საუკეთესო შედეგის მისაღებად. Sony-ს შემთხვევაში ვიდეო გადაღების დროსაც იგივე პრინციპია. საშუალო კლასის სმარტფონებიდან მაღალ სტანდარტებს ISO შუქმგრძნობელობის შემთხვევაში აკმაყოფილებს Nokia 7 Plus, Sony Xperia XA2, Asus Zenfone 5 და Huawei P20 Lite SS(სინათლის ჩამკეტი) სინათლის ჩამკეტი(ინგლისურად: shutter speed) სასურველია დავარეგულიროთ ISO მაჩვენებელთან ერთად საუკეთესო შედეგის მიღებისთვის. იმ შემთხვევაში თუ თქვენ მაღალ ISO მგრძნობელობას გამოიყენებთ სმარტფონში, სასურველია სინათლის ჩამკეტის პარამეტრებიც შესაბამისად გავასწოროთ. სმარტფონების უმრავლესობაში გვხდება სინათლის ჩამკეტის მინიმალური 1 / 8000 წამიანი და მაქსიმალური 30 წამიანი დაყოვნება. მაღალი ISO და სინათლის ჩამკეტის სისწრაფის მაქსიმალური დაყოვნება სმარტფონის კამერაში მაქსიმალურად შეკრებს სინათლეს და შესაბამისად გამოსახულებასაც ვერ მივიღებთ. ამიტომ, თუ დაყოვნება მაქსიმალურია, ISO მაჩვენებელი უნდა იყოს დაბალი. მოძრავი ობიექტის გამოსახულების “გასაყინად” უნდა გამოიყენოთ მინიმალური სინათლის ჩამკეტის სისწრაფე, მოძრაობის წარმოსაჩენად გამოიყენეთ ნელი სინათლის ჩამკეტის სისწრაფე(სასურველია პარამეტრებიდან შუალედური კომბინაცია აირჩიოთ), ხოლო სწორი ექსპოზიციის მისაღებად სასურველია მაქსიმალურად დავაყოვნოთ სინათლის სისწრაფე. ხანგრძლივი დაყოვნების შემთხვევაში აუცილებლად უნდა გამოიყენოთ “ტრიპოდი”, სხვა შემთხვევაში გამოსახულებას ვერ მიიღებთ. სინათლის სისწრაფის ჩამკეტის კატეგორიით საუკეთესო პოზიცია უჭირავს Huawei P20 Pro-ს. მას ასევე შეუძლია 6 წამიანი დაყოვნებით გადაღება ტრიპოდის გარეშეც და მაქსიმალური დაყოვნება 32 წამიანი აქვს. ამ კატეგორიით ასევე საუკეთესოა LG G7. საშუალო კლასის სმარტფონებიდან Huawei P20 Lite, Asus Zenfone 5 და Nokia 7 Plus. F/(დიაფრაგმა) სმარტფონების უმრავლესობაში გვხდება ფიქსირებული დიაფრაგმა, ხოლო დიაფრაგმით კამერების ინდუსტრიაში იზომება ლინზები. რაც უფრო პატარა არის დიაფრაგმის მაჩვენებელი ციფრებში, მით უფრო დიდი არის კამერის ლინზის ზომა/ხვრელი და პირიქით. ციფრებში ნაკლებ მაჩვენებლიანი დიაფრაგმის მქონე კამერაში შედის უფრო მეტი სინათლე, შესაბამისად გამოსახულება უფრო ნათელია, მაგრამ არა დეტალური. მარტივად რომ აგიხსნათ, კამერის დიდი ხვრელით ჩვენ მივიღებთ ნათელ ფოტოს მაღალი ISO მგრძნობელობის მსგავსად, მაგრამ რაც უფრო პატარა არის დიაფრაგმა, შესაბამისად უფრო დეტალურ და მკვეთრ გამოსახულებას ვღებულობთ. აქაც არის საუკეთესო შუალედი F1.8 ან F2.0 დიაფრაგმა. გამოსახულების მკვეთრი ფერები და დეტალიზაცია რომ გადავდოთ გვერდზე. თუ თქვენ პორტრეტების გადაღება გიყვართ, აუცილებლად დაგჭირდებათ დიდი ზომის დიაფრაგმა(ციფრებში პატარა ზომის), რადგან ფოკუსში მოქცეული გამოსახულების უკანა ფონის დაბლურვა იყოს უფრო ბუნებრივი და არა ხელოვნური. ამ დროისთვის საუკეთესო დიაფრაგმის მახასიათებლების გამოირჩევა Samsung Galaxy S9 Plus(პირველი სმარტფონი ცვლადი F1.5/F2.4 დიაფრაგმიანი ლინზებით), Sony Xperia XZ2 Premium(F1.6 და F1.8 დიაფრაგმიანი ლინზებით), Huawei P20 Pro (F1.6, F1.8 და F2.4 დიაფრაგმიანი ლინზებით) და LG G7(F1.6 და F1.9 დიაფრაგმიანი ლინზებით). საშუალო კლასის სმარტფონებიდან გამოირჩევა Nokia 7 Plus(F1.8 და F2.6 დიაფრაგმიანი ლინზებით) და Asus Zenfone 5(F1.8 და F2.0 დიაფრაგმიანი ლინზებით) WB(თეთრი ფერის ბალანსი) ამინდი და სხვა გარემო პირობები მოქმედებს გადაღების დროს მიღებულ ფერებზეც, საბედნიეროდ ფერების კორექციის ფუნქცია თქვენს სმარტფონში ნამდვილად არის და თავად შეგიძლიათ დაარეგულიროთ გამოსახულება, რომელსაც თქვენი სმარტფონი გთავაზობთ რამდენიმე ვარიანტად(რაც დამახსოვრებული აქვს სმარტფონის პარამეტრებში). პარამეტრებიდან შეგიძლიათ აირჩიოთ ავტომატური რეჟიმი, ჩრდილიანი, ღრუბლიანი, დღის სინათლის და ჩვეულებრივი ნათურის სინათლის რეჟიმი. ხშირ შემთხვევაში შესაძლოა სმარტფონმა ვერ შემოგთავაზოთ საუკეთესო ფერების ვარიანტი, თუმცა ეს არ არის ტრაგედი! ფერების რეგულირება ხელითაც შეგიძლიათ და აირჩიოთ თქვენთვის ყველაზე მისაღები. თეთრი ფერის ბალანსი კამერების ინდისტურიაში იზომება Kelvin-ით. პ.ს. იმედია ეს ინფორმაცია დაგეხმარებათ ლამაზი და საინტერესო ფოტოების გადაღებაში. იმ შემთხვევაში თუ მოგეწონათ სტატია, დააგომენტარეთ და გააზიარეთ წყარო: vortex.ge
  2. ბიჯო ბიჯო ბიჯო არა რისი იმედი ქონდა ამ წამყვანს ერთი გამაგებინეთ ხოდა დააფარა მწარედ
  3. აუ ტიპს ჩვეულებრივი კობრების ფერმა აქვს
  4. დაგარეპორტე და იმედია ადმინისტრაცია მოგხედავს
  5. მშობლები ხშირად სვამენ ამ შეკითხვას - რატომ არის ბავშვი უინტერესო, არამოტივირებული, რატომ ეზარება ყველაფერი, სწავლის ჩათვლით? უნდა ავუკრძალოთ თუ არა მას რამე, თუ ყველაფრის ნება მივცეთ? აქტუალურ შეკითხვებზე გვპასუხობს ცნობილი ფსიქოლოგი თამარ გაგოშიძე. - ხშირად მშობელი ფიქრობს, რომ თუ შვილს მატერიალურად უზრუნველყოფს და იყიდის იმას, რაც დააკლო ფსიქოლოგიურად, ყველაფერს აანაზღაურებს. ამ ბოლო დროს ხშირად მესმის ტექსტები: ბავშვებს 6 წლამდე არაფერი არ უნდა ავუკრძალოთ, იმიტომ, რომ ნერვები აეშლებათ. ბევრ მშობელს უთქვამს, რომ არ შეიძლება ბავშვს რაიმე ავუკრძალო იმიტომ, რომ ტირილით ნერვები აეშლება.ნერვული სისტემა დაუზიანდება, სტრესში ჩავარდება, მერე უკვე ცუდი პიროვნული თვისებები ექნება. მერე მოჰყავთ მაგალითი, აი, იაპონიაში 5-6 წლამდე თურმე ბავშვებს არაფერს უკრძლავენ. შემდეგ უცბად ავიწყდება თავისი სენტენცია, რომ ბავშვს სტრესი არ უნდა მიაყენოს და გადადის თმის მოწიწკვნაზე, ყურის აწევაზე და ცემაზე. იმიტომ, რომ სხვანაირად ვეღარ ახერხებს „თავგასული“ ბავშვის მართვას. ვეუბნები მშობელს, რატომ იშლი ნერვებს, როცა შეგიძლია ჩარჩოს დაწესება ადრეული ასაკიდანვე. ყველა ბავშვი ითხოვს ჩარჩოს. იმიტომ, რომ ბავშვის ტვინი ისეა მოწყობილი, წვრთნა სჭირდება. თუ ბავშვი გაიწვრთნება, პრობლემაც არ იქ ნება. მიდგომა, რომ ბავშვს არაფერი ავუკრძალოთ, დამღუპველია ბავშვისთვის. ფსიქოლოგები ვამბობთ, რომ თავისუფალ ნებას სჭირდება წრთობა, თავისუფალი ნება არის არჩევანი, ცუდსა და კარგს შორის. არჩევანი ერთ ქმედებასა და მეორე ქმედებას შორის. არჩევანი მოსალოდნელ ქმედებასა და არსებულ ქმედებას შორის. ტვინს სჭირდება ვარჯიში და გარემოდან თუ არ იქნა იფორმაცია და სტიმული, ტვინი ვერ სწავლობს. ბავშვის ტვინს უნდა ვასწავლოთ იმპულსის შეკავება. კანფეტი ახლა არა, მერე ჭამე. სათამაშო ახლა არა - ხვალ. ეს უნდა გაითავისოს ბავშვმა და უნდა ივარჯიშოს იმაში, რომ დაბრკოლება გადალახოს. ეს ახლა არ შეგიძლია, ცოტა ხანში შეძლებ. ბავშვი ისწავლის ტვინის დაგეგმვას და იმპულსების შეკავებას. კონტროლის, თვითრეგულაციის მექანიზმი გამოუმუშავდება და გაიზრდება ნორმალური ადამიანი. თანამედროვე მშობელს ეს არ ესმის, ის ფიქრობს, რომ დაიცვას ბავშვი ვითომ სტრესული გარემოებებისგან, ამიტომ ბავშვმა არ იცის არც დაბრკოლების გადალახვა, არც წარუმატებლობის გადალახვა. წარუმატებლობა დღეს კატასტროფის ტოლფასია. ეს ჩვენს საზოგადოებას არ შეუძლია მარცხი და შეცდომის დაშვება აღიაროს. ვინ გეტყვის, რომ შეეშალა და შეცდომა დაუშვა. სანამ ამას არ ვისწავლით, ვიქნებით ძალიან მძიმე მდგომარეობაში. წარუმატებლობა შენი წარმატების აუცილებელი კომპონენტია, ეს ვერ გაიგო ვერც მშობელმა, ვერც მასწავლებელმა, ყველა უკიჟინებს ბავშვს, რომ შენ ეს შეგეშალა და შენ ეს ვერ მოახერხე, შესაბამისად,ჩვენ გვეზრდება არარეალიზებული, დანაშაულის განცდის მქონე იმპულსური არსებები, რომლებიც აუცილებლად ვიღაცას მოკლავენ. როცა ფსიქოლოგს ჩააბარებს მშობელი ბავშვს, გეუბნება, ახლა რაც გინდა ის უქენი, მე არაფერ შუაში არ ვარო. ჰგონიათ, რომ გამოსავალია ბავშვის ფსიქოლოგთან მიყვანა. ფსიქოლოგი რომ რეკომენდაციას გაძლევს, ის რეკომენდაცია უნდა შეასრულო, იმიტომ, რომ ბავშვი არაფერ შუაში არ არის, როგორც წესი. შუაში და თავში არის მშობელი. ცხადია, თუ ბავშვს განვითარების პრობლემა არ აქვს. თუმცა ასეთ შემთხვევაშიც მშობელზე ძალიან ბევრი რამე არის დამოკიდებული. არაფერი არ უნდა, არაფერი არ აინტერესებს, სკოლაშიც კი არ უნდა წასვლა, ზუსტად იმიტომ, რომ საბავშვო ბაღიდანვე ძალიან ბევრს ითხოვენ მისგან. ჩემი რეპლიკები ხშირად აღიქმება და ინტერპრეტირდება ისე, რომ ბავშვს არაფერი არ ასწავლონ. ძალით თუ არ ვასწავლეთ, რა შედეგს მივიღებთო. პატარა ბავშვი ინტერესით სწავლობს. სიამოვნებასთან ერთად თუ არ არის ეს ინტერესი, სწავლების პროცესი იქნება ყოველთვის ნეგატიური და უკვე როცა იზრდება ეს ბავშვი, სკოლაშიც აღარ უნდა სიარული. ამოსული აქვს ყელში. არ უხარია შემეცნება, იმიტომ, რომ ჩვენ ხომ შემეცნებას არ ვასწავლით ბავშვს. ჩვენ ვართ შედეგზე ორიენტირებული. რამდენ მშობელს უთქვამს, ვეუბნები შვილს, რომ იყოს პირველი. ამდენ ფულს ვიხდი შენს სწავლაში და კეთილი უნდა ინებო და იმეცადინო... მე არ ვარ იმის მომხრე, რომ ბავშვები ზარმაცები იყვნენ და თავიანთი პასუხისმგებლობა არ გაიაზრონ, მაგრამ ამ ფორმით ამ პასუხისმგებლობას ვერ მივაღწევთ. თვლიან, რომ ბავშვს თავისუფალი დრო არ უნდა ჰქონდეს, იმიტომ რომ კომპიუტერზე ითამაშებს და შენ ამ დროს არ გინდა, რომ ის თავისუფალი დრო შენთან გაატაროს. ამიტომ გირჩევნია, ჩატენო ინგლისურზე, ფრანგულზე, გერმანულზე, იაროს და ირბინოს. რომ ვეკითხები, რატომ არ უნდა დარჩეს ბავშვს თავისუფალი დრო, მეუბნებიან, რომ კომპიუტერთან იქნება და რომ ვთავაზობ, ისე დაგეგმონ ეს დრო, სათამაშოდ გაუშვან ან სპორტზე გაუშვან, ბევრი პრობლემა ერთად იყრის თავს. მთავარია, ჩვენ როგორ გვესმის ჩვენი შვილის კეთილდღეობა. კეთილდღეობა კი გვესმის ასე - ეს ბავშვი არის კონტეინერი, რომელიც უნდა დაიტენოს ინფორმაციით, იმისთვის, რომ ჩადებული ინვესტიცია გაამართლოს და იყოს წარმატებული. წარმატებულის ქვეშ იგულისხმება, რომ მოიპოვოს ბევრი ფული. არავინ არ ფიქრობს იმაზე, რომ წარმატება დაკავშირებული იყოს შემეცნებასთან. არც სკოლა არ ფიქრობს ამაზე. სკოლაც აყოლილია მშობლებს და ისინი ცდილობენ, რა შეიძლება ბევრი ინფორმაცია ჩატენონ ბავშვს. ერთ რამეს ვიტყვი, რომ ადამიანი არ არის კომპიუტერი და კომპიუტერს ჩვენ ვერასდროს ვერ ვაჯობებთ. ხალხს მტერი ვგონივარ კომპიუტერული ტექნოლოგიების, მაგრამ იქ, სადაც კომპიუტერული ტექნოლოგია შეიძლება გამოიყენო, ადამიანის ტვინი როგორ შეიძლება დაანაგვიანო. ის რომ კომპიუტერში შევა და ამდენ ინფორმაციას ნახავს, რა ვალდებულია ისწავლოს და იმეცადინოს. დღევანდელი სკოლა მე-19 საუკუნის დონეზეა და ეს პრობლემა მარტო ჩვენთან კი არა, დასავლეთშიც დგას. ჩვენ ისე ვასწავლით, რომ გეგონება ცოდნის მთელი ჩემოდანი თან უნდა ათრიოს. წინათ იმიტომ მჭირდებოდა ამდენი ინფორმაცია, რომ მე ამას ასე ადვილად ვერ ვიპოვიდი. ცოდნა მხოლოდ თეორიული ცოდნა არ არის. ცოდნის ქვეშ იგულისხმება პრაქტიკული გამოცდილებაც. აქედან გამომდინარე, დღეს თეორიულ ცოდნას ვიპოვი კომპიუტერში, მაგრამ მშობელმა და მასწავლებელმა უნდა მასწავლოს, ეს ცოდნა ერთმანეთთან როგორ დავაკავშირო. სინამდვილეში არც მასწავლებელი და არც მშობელი ამას არ მასწავლის. აზროვნების პროცესებს არ მასწავლიან. ანალიზი როგორ გავაკეთო, ტყუილი მართლისგან როგორ განვასხვავო, ამდენი სისულელე როგორ გავცხრილო, ლოგიკურად დავაკავშირო ერთმანეთთან, დასკვნა გავაკეთო - არავიან მასწავლის. ბავშვებს კარგი მეხსიერება აქვთ და ადვილად იმახსოვრებენ, მაგრამ დაზეპირება არაფერს ნიშნავს, თუ არ აქვთ გააზრებული, რა წაიკითხეს. არავინ არ გვასწავლის, ინფორმაციისგან როგორ ამოვიღოთ მთავარი აზრი. კითხვის დასმა არ შეიძლება არც სკოლაში და არც უმაღლესში. იმიტომ, რომ შეცდომის დაშვება არ შეიძლება, 10 ქულაზე, 100 ქულაზე ნაკლების მიღება არ შეიძლება. ჩვენ ვზრდით ნარცისებს და ეს მარტო საქართველოში არ არის. ძალიან ბევრ ქვეყანაში ეს არის პრობლემა. დღეს უკვე საუბრობენ იერარქიაზე ურთიერთობებში, აი ამ სამომხმარებლო მატერიის ცოტა უკან გაწევაზე. ახალი ოჯახები შტატებში კერძო საკუთრებას არ ყიდულობენ, მაგალითად ჰიპის ტიპის და ბიტნიკების მსგავსი მოძრაობა დაიწყო. შეძლებული ადამიანებიც კი იმაზე მეტ საკუთრებას, რაც სჭირდებათ, არ ყიდულობენ. ეს არ არის დიდი პროცენტი, მაგრამ ეს დამოკიდებულება ნელ-ნელა გაჩნდა, როგორც პროტესტი მატერიალიზაციის წინააღმდეგ. ეს არის ბაზისური მოთხოვნილებების დაკმაყოფილება, რომელსაც თვითრელიზაციამდე ძალიან ბევრი აკლია. თვითრელიაზცია თუ არ გაქვს, ხარ ცუდად. - რა შეცდომებს უშვებენ ამ დროს მასწავლებლები? - ზოგადად კომუნიკაცია მასწავლებელსა და მშობელს შორის საკმაოდ რთულია, იმიტომ, რომ ორივე ანტაგონისტური დამოკიდებულებებით ხასიათდებიან ერთმანეთის მიმართ. მშობელიც ჩასაფრებულია და მასწავლებელიც. მაგრამ ყველაზე საინტერესო იცით, რა არის? მასწავლებლებს უყვართ ზოგადად ბავშვები, რომლებიც ხელს არ უშლიან საგანმანათლებლო პროცესში. საბავშვო ბაღში კი საგანმანათლებლო პროცესი. მასწავლებლებს ცოტა სხვანაირად ესმით. ესმით, რომ ბავშვი უნდა იჯდეს ჩუმად, უსმინოს, იმეცადინოს. აი, ხუთი წლის ბავშვებს ამეცადინებენ, თუნდაც 4 წლის ბავშვებს, განსაკუთრებით კერძო ბაღებში. კერძო ბაღებში მშობლების მოთხოვნაც არის, რომ ჩემს ბავშვს უნდა ასწავლო. არ არის ეს ბაღის დანიშნულება. ბაღის დანიშნულება არის ბავშვის ქცევის, თვითრეგულაციის სწავლება, ემოციის რეგულაციის სწავლება, კომუნიკაციის და მეტყველების განვითარება და აზროვნების განვითარება. წერა-კითხვა და მათემატიკა სკოლის დანიშნულებაა, მაგრამ ბაღმა უნდა ჩამოაყალიბოს ამ აკადემიური ჩვევებისთვის საჭირო უნარები. საბაზო უნარებზე მუშაობს ბაღი. არა მეცადინეობით, არამედ თამაშით, ბავშვისთვის 6 წლამდე წამყვანი ქცევა არის თამაში. ეს არ აწყობს არც მშობელს და არც მასწავლებელს. ამიტომ მასწავლებლისთვის ჩუმი ბავშვი, რომელიც ხმას არ იღებს და მითითებებს უსრულებს, არის იდეალური ბავშვი. თუნდაც პრობლემები რომ ჰქონეს ამ ბავშვს, თავისთვის თუ იჯდება, არ არის პრობლემა. ამიტომ მე მიყვარს ხმაურიანი და ცუდი ქცევის ბავშვები, რომლებიც აიძულებენ მშობლებს და მასწავლებელს იფიქრონ, როგორ შეიძლება მისი ჩართვა აი, ამ სააღმზრდელო პროცესში. ამიტომ ურთიერობის პრობლემა ორივე მხარეს აქვს. ზოგჯერ მასწავლებელია მართალი, ზოგჯერ - მშობელი, მაგრამ კომპრომისს ვერ ნახულობენ და არიან ჩასაფრებული პოზიციით ერთმანეთის მიმართ. აქედან გამომდიარე ძალიან რთულია ხოლმე თანამშრომლობა. არის შემთხვევები, როდესაც მასწავლებლებსაც ძალიან ბევრი რამე ეშლებათ, ზოგჯერ დაუფიქრებელ რაღაცებს ელაპარაკებიან ბავშვებს. სპეციალური სწავლებაბაღის მასწავლებლებს გავლილი არ აქვთ. მშობელსაც აქვს თავისი მინუსები, ბუნებრივია, იმიტომ, რომ ისეთ რაღაცებს სთხოვს საბავშვო ბაღს, რაც არ ევალება. მე არ ვარ მომხრე, რომ ტირილ-ტირილით მოჰყავთ ბავშვები მშობლებს საბავშვო ბაღში. მასწავლებლებიც ეუბნებიან, რომ მოიყვანეთ, ჩავუკეტავთ კარს და შევაჩვევთ ბაღს. იტირებს და გაჩერდება... მე არ ვარ ამის მომხრე. ეს არის ზუსტადაც, რომ სერიოზულის სტრესი, როცა ბავშვი კანფეტის გამო ტირის, ეგ კი არ არის სტრესი. მაგრამ ბავშვი როდესაც დედასთან დაშორების გამო ტირის, ეს არის ძალიან ცუდი. ეს არის საშინელი სტრესი და შფოთვის მიზეზი, რომელსაც არც მშობელი აქცევს ყურადღებას და არც მასწავლებელი, მომხრე ვარ, რომ ბავშვი ნელ-ნელა შეეგუოს ბაღს და თუ საჭიროა, გატარდეს სპეციალური მიდგომა. საფრანგეთში, გერმანიაში მშობელი რაღაც დროის განმავლობაში დაჰყვება ბავშვს ბაღში. ეს ყველას არ სჭირდება, მაგრამ ვისაც სჭირდება, ასეც უნდა მოხდეს. რუსკა კილასონია წყარო: mshoblebi.ge
  6. @GRU დააწვინე და კუდი ააწევინე ზევით
  7. @HACKERMAN აქ სულ არტისტები და ხელოვანები ვპოსტავთ ბრად
  8. ამ შუაღამეს ტრამპმა სირიაზე შეტევის ბრძანება გასცა!!! " სულ ცოტა ხნის წინ, ამერიკის შეიარაღებულ ძალებს ვუბრძანე განახორციელონ ზუსტი შეტევა სირიის დიქტატორ ბაშარ ალ ასადის ქიმიურ იარაღთან დაკავშირებულ სამიზნეებზე" შეტევაში ამერიკული, ბრიტანული და ფრანგული მხარე მონაწილეობდა. არაოფიციალური ინფორმაციით სირიული პოზიციებისკენ 100-ზე მეტი ფრთოსანიი რაკეტაა ნასროლი. ბრიტანეთმა 4 ფრთოსანი რაკეტა Storm Shadow დაარჭო ქალაქ ჰომსთან სირიულ სარაკეტო ბაზას სადაც ქიმიური იარაღი ინახებოდა. აშშ-ს თავდაცვის მინისტრის განცხადებით ამ ეტაპზე შეტევები შეწყდა. განადგურებული იქნა სამი მიზანი: #1 დამასკოში არსებული ქიმიური იარაღის კვლევითი ლაბორატორია #2 დასავლეთ ჰომსში ქიმიური იარაღის საწყობი #3 ასევე ჰომსთან არსებული ქიმიური იარაღის მარაგები ამერიკული ოფიციალური პირების განცხადებით მხოლოდ ამ შეტევით არ დასრულებულა დასავლური შურისძიება ასადისადმი რომელმაც ქიმიური იარაღით საკუთარი მოსახლეობა ამოხოცა და კიდევ უნდა ველოდოთ შეტევებს. ორი ამერიკელი ოფიციალური პირის განცხადებით ამერიკის მხრიდან ერთი ამერიკული ხომალდი მონაწილეობდა შეტევაში Tomahawk რაკეტებით და ერთი ზებგერითი სტრატეგიული ბომბდამშენი B-1B Lancer. ბრიტანეთის საჰაერო ძალებმა 4 ფრთოსანი რაკეტა Storm Shadow-ით ერთი სამიზნე გაანადგურეს. ფრანგული მხრიდან რა მოხდა უცნობია. აშშ-ის თავცავის მინისტრიც განცხადებით შტატებმა და მოკავშირეებმა ცხადი გზავნილი გაუგზავნეს ასადს ამ შეტევით. აშშ-ს თავდაცვის მინისტრის ჯეიმს მეტისის განცხადებით:"გასულ წელს ასადის რეჟიმმა ჩვენი გზავნილი (60 ტომაჰავკი ესროლეს ასევე ქიმიური იარაღის გამოყენებისთვის) გასაგებად ვერ მიიღო. ამჯერად ჩვენ და ჩვენმა მოკავშირეებმა ძლიერად დავარტყით. ერთად, ჩვენ გავუგზავნეთ გასაგები გზავნილი ასადს და მის მკვლელ ლეიტენანტებს". მეორეს მხრივ რუსეთის თავდაცვის სამინისტროში ოფიციალურ ბრიფინგზე განაცხადეს რომ: ამერიკელებმა გამოიყენეს 103 რაკეტა სხავდასხვასახისა და დანიშნულების. ამათგან ჩამოგდებულია 71. მიზანს მიაღწია მხოლოდ 32-მა რაკეტამ. თუმცა ისინი დაეცნენ იმ სამიზნეებს, რომლებიც არ იყო დაცული, რადგან იქ არის ცარიელი ადგილები, სადაც არ არის არც ცოცხალი ძალა და არც დანადგარები. ეს დიდი ხნის წინ გაუქმებული ქარხნებია. რუსების განცხადებით იმუშავა არა თანამედროვე ახალი წარამოების რუსულმა, არამედ მხოლოდ 30 წლის წინანდელმა საბჭოთა სისტემებმა. რუსული დაცვის ზონაში არ შემოსულა არცერთი რაკეტა. ასევე ამბობენ რომ 1 წლის წინ დასავლეთი ს მოთხოვნით სირიისთვისუახლესი "ეს-300"-ების მიწოდების შეჩერებული პროგრამა, ამ შემთხვევის შემდეგ განახლდება. რუსეთიამ თავდაცვით კომპლექსებს მიაწვდის უკვე არა მხოლოდ სირიას, არამედ ს ხ ვ ა ქვეყნებსაც... ეს ვიდეო ბრიფინგიდან: აშშ-ში რუსი ელჩი იმუქრება რომ ამერიკის, ბრიტანეთის და საფრანგეთის ეს ქმედება "უშედეგოდ" არი ჩაივლის და პასუხს გავცემთო...
  9. ესეიგი ახლა რა ხდება: ქალაქ დოუმაში მკვლევართა ჯგუფი გააგზავნეს ქიმიური იარაღის გამოყენების ფაქტის შესასწავლად. არამგონია ტრამპმა იჩქაროს და გამოძიების დასრულებამდე ატაკოს. დღეს ამერიკის შეერთებული შტატების პრეზიდენტმა დონალდ ტრამპმა სოციალურ ქსელ Twitter-ში რუსეთის მისამართით გამაფრთხილებელი პოსტი გამოაქვეყნა: „რუსეთი ამბობს, რომ სირიის მიმართულებით გაშვებულ ყველა რაკეტას ჩამოაგდებს და გაანადგურებს. მოამზადე, რუსეთო, რადგან ისინი მოდიან, შესანიშნავები, ახლები და „ჭკვიანები“. თქვენ არ უნდა იყოთ გაზით გამგუდავი მხეცის პარტნიორები, რომელიც საკუთარ მოქალაქეებს ხოცავს და ეს სიამოვნებს “, – დაწერა დონალდ ტრამპმა. დღეს თავდაცვის მინისტრი ჯეიმს მეტისი (მეტსახელად "ავი ძაღლი") პრეზიდენტ დონალდ ტრამპს შეხვდება. შეხვედრის თემა რაც იქნება მგონი ცხადია. აშშ-ის თავდაცვის მინისტრის განცხადებით ისევ მიმდინარეობს ქიმიური შეტევის ადგილის შეფასება რათა საკმარისი სამხილები მოაგროვონ რომ ასადის ძალებმა გაუშვა მომწამლავი ნივთიერება და ტყუილად არ დაბომბონ. ასევე მეტისმა აღნიშნა რომ ამერიკული ძალები რეგიონში მზად არის შეტევის განსახორციელებლად და მხოლოდ ბრძანებას ელოდებიან. ამასობაში ასადმა დახუია თვითმფრინავები და შვეულმფრენები გადაიყვანა სირიაში რუსულ ბაზებზე ტარტუსსა და ლატაკიაში მოსალოდნელი ამერიკული შეტევის გამო. ახლა საინტერესოა აშშ როგორ იმოქმედებს. დაბომბავს ცარიელ ბაზებს და გაუნადგურებს ინფრასტრუქტურას თუ რაიმე განსხვავებულს შემოგვთავაზებს. მაგრამ რომ დაარტყავს ცხადია: აშშ-მ "განკითხვის დღის" თვითმფრინავი აწია ჰაერში. ამერიკული E-4B «Nightwatch» "განკითხვის დღის" თვითმფრინავი განკუთვნილია პრეზიდენტისთვის რათა ბირთვული ომის შემთხვევაში მართოს ჯარები (ანუ ხმელეთზე თუ ყველაფერს დედა ეტირა). თვითმფრინავი უცნობი მისიით რამდენიმე საათის წინ აფრინდა. პოპკორნის მომარაგება კიარა ჯობია სანგრები თხრა დავიწყოთ.
  10. სირიაში ქალაქ დოუმაზე ასადის მიერ ქიმიური შეტევის გამო აშშ, დიდი ბრიტანეთი და საფრანგეთი ერთობლივ სწრაფ საპასუხო ქმედების განხორციელებას აპირებენ ასადის რეჟიმის წინააღმდეგ. ზუსტად ერთი წლის წინ 2017 წლის 4 აპრილს ასადმა ქიმიური შეტევა განახორციელა ქალაქზე, 72 საათში კი 7 აპრილს უკვე ორი ამერიკული ხომალდიდან 59 "ტომაჰავკის" რაკეტა ესროლეს და საჰაერო ბაზა საიდანაც შეტევა განხორციელდა ჰაერში აწიეს. ამჯერად კი ტრამპმა პერუში ვიზიტი გააუქმა და პირად კონტროლზე აიყვანა სირიის დაბომბვა. ამერიკულმა მართვადრაკეტებიანმა ნაღმოსანმა "დონალდ კუკმა" კვიპროსი დატოვა და სირიის წყლებში შევიდა. რუსულმა გამანადგურებლებმა მის სიახლოვეს რამდენჯერმე ჩაიფრინეს ძალის დემონსტრირებისთვის. ამ ეტაპზე ნაღმოსანი სირიის სანაპიროდან 100კმ-ში იმყოფება. ასევე ნორფოლკის პორტიდან ამერიკული ავიამზიდი ჰარი ტრუმენი ხმელთაშუაზღვისკენ მიემართება. აშშ-მა ხმელთაშუაზღვაში გააგზავნა ავიამზიდი ჰარი ტრუმენი თავისი დამრტყმელი ჯგუფის ხომალდებთან ერთად. ჯგუფში შედის ერთი მართვადრაკეტებიანი კრეისერი და ოთხი მართვადრაკეტებიანი ნაღმოსანი. სავარაუდოდ ერთი წყალქვეშა ნავი სიღრმიდან მიჰყვებათ. ამას გარდა ავიამზიდის საჰაერო ფრთა უხეშად რომ ვთქვათ 90 საფრენ აპარატს ითვლის. შტატებმა 22 სავარაუდო სამიზნე შეარჩია სირიაში განასადგურებლად. ხოლო კვიპროსზე მდებარე ბრიტანეთის სამხედრო ბაზა სრულ საბრძოლო მზადყოფნაშია მოყვანილი და სირიაზე იერიშის მისატანად ემზადებიან. ამასობაში კი სირიაში საპასუხო დარტყმის მოლოდინში როგორც ჩანს რამდენიმე საათში ძალიან დაცხება...
  11. თანამედროვე სახლები - ნელი სიკვდილი კომფორტულ გარემოში ბინები, რომლებშიც მოსახლეობა ცხოვრობს, სიცოცხლისთვის სახიფათოა. შეიძლება ადამიანი ძალიან კარგად გარემონტებულ სახლში თავს კომფორტულად გრძნობდეს, მაგრამ ნელ-ნელა იწამლებოდეს აზბესტის შემცველი, კარცეროგენური მასალებით, რადიოაქტიური საღებავებით ან თუნდაც ლამინირებული ავეჯით. როგორც გაზეთი "რეზონანსი" წერს, პეციალისტები განმარტავენ, მომწამვლელია საღებავები, მეტალოპლასტმასი, ლამინატი და ბეტონიც კი, რომელსაც მოქალაქეები ბინების გარემონტების ან კეთილმოწყობისას იყენებენ. ქვეყანაში არ მოქმედებს არც ერთი უწყება, რომელიც ასეთი მასალების ხარისხსა და უსაფრთხოებაზე იქნება პასუხისმგებელი. საერთაშორისო საინჟინრო აკადემიის აკადემიკოს რამაზ გახოკიძეს ერთ-ერთ ყველაზე მთავარ საშიშროებად აირი რადონი მიაჩნია იგი უსუნო და უფერო აირია, რომელსაც ვერ იგრძნობ, მაგრამ სერიოზულ დაავადებებს იწვევს, მათ შორის, კიბოს. რადონი მიწის ქვეშ გროვდება და ვენტილაციის სისტემის გავლით სარდაფებიდან და წყლიდან ხვდება სახლებში. ძნელი დასაჯერებელია, რომ ჩვენს სახლებში განსაკუთრებით სამზარეულოა რადიაციულად ერთ-ერთი ყველაზე საშიში ადგილი, თავისებური გაზის კამერა რადონის არსებობის გამო. იგი არა მარტო იჭრება ჩვენს ბინაში, არამედ გროვდება კიდეც იქ. რამაზ გახოკიძის შეფასებით, ჩვენ რადიოაქტიურ აირს მთელი სიცოცხლე ვსუნთქავთ. არადა, რადონის შემდგომი დაშლით წარმოიქმნება პოლონიუმის, ბისმუტისა და ტყვიის რადიოაქტიური იზოტოპები, რომელთა გამოყვანა ორგანიზმიდან ძალიან ძნელია. "რადონი ძლიერი კანცეროგენია. იგი იწვევს ავთვისებიან სიმსივნეებს (პირველ რიგში, ფილტვის კიბოს). შენობებში რადონის შემცველობა დაახლოებით ათჯერ მეტია, ვიდრე გარეთ. მაღალსართულიან სახლებში მისი შემცველობა 3-4-ჯერ მძიმეა. რადონს ბინებში შეღწევა შეუძლია ზოგიერთი სამშენებლო მასალიდან (გრანიტი, ტუფი, პემზა). ბეტონის რადოაქტიურობა რადონის შემცველობის გამო ხე-ტყესთან შედარებით 30-50-ჯერ მეტია. მომწამვლელი აირი განსაკუთრებით გროვდება სამზარეულოში, სადაც სისტემატურად ანთია გაზქურა. რადონის დაგროვების წყაროა წყალიც, რომელშიც იგი კარგად იხსნება. ამ მიზეზის გამო სააბაზანო ოთახში რადონის შემცველობა 40-ჯერ უფრო მაღალია, ვიდრე სხვა ოთახებში. დედამიწის მოსახლეობის 10% სვამს რადონის მაღალი შემცველობის წყალს", - განუცხადა "ბიზნეს-რეზონანსს" მეცნიერმა. გარდა ამისა, როგორც რამაზ გახოკიძე განმარტავს, სამზარეულოში კერძების შეწვისას გროვდება ტოქსიკური ქიმიური ნივთიერებები: ფორმალდეჰიდი, აკროლეინი, აკრილამიდი, ამიაკი, ამინები, პოლიციკლური არომატული ნივთიერებები. მათი უმრავლესობა მცირე აქროლადობის გამო ილექება ქურის სიახლოვეს. ყველა მათგანი დიდ ზიანს აყენებს ადამიანის ჯანმრთელობას: ფორმალდეჰიდი იწვევს თავის ტკივილს, თვალის გარსის გაღიზიანებას, ყურადღების მოდუნებას, ალერგიულ რეაქციას, ეგზემის პროვოცირებას, სასუნთქი გზების, ფილტვების, კუჭ-ნაწლავის ტრაქტის, სისხლმბადი სისტემის, ღვიძლის, ელენთის, თირკმლების დაზიანებას და მძიმე შემთხვევებში ავთვისებიან სიმსივნესა და მემკვიდრულ მუტაციას. ფორმალდეჰიდს შეიცავს მელამინის პლასტმასაც, რომლისგან დამზადებული ჭურჭელი დიდი პოპულარობით სარგებლობს, რადგან გამოირჩევა სითბოსადმი მდგრადობით და სიმტკიცით, ძლიერი დარტყმებითაც კი არ იმსხვრევა. მელამინის ჭურჭელი ძირითადად ჩინური წარმოებისაა. აღმოჩნდა, რომ ასეთ ჭურჭელში მოთავსებული საკვები შხამიანი ხდება - სითხეებთან შეხებით (განსაკუთრებით ცხელ მდგომარეობაში) აქტიურად გამოიყოფა ფორმალდეჰიდი. დამატებითი საშიშროებაა ჭურჭლის მოხატულობა, რადგან გამოყენებულია მძიმე ლითონების (ტყვია, კადმიუმი, მანგანუმი) მაღალი შემცველობის საღებავები. "გაზის წვისას გამოიყოფა ნახშირორჟანგი და სხვა მავნე ნივთიერებები. ვენტილაციის არარსებობის შემთხვევაში ნახშირორჟანგის კონცენტრაციის გაზრდა სამზარეულოში სერიოზულ საფრთხეს უქმნის ადამიანის ჯანმრთელობას", - ამბობს გახოკიძე და დასძენს, რომ საზღვარგარეთ, აშშ-სა და ევროპაში, სისტემატურად მიმდინარეობს კვლევა სამშენებლო მასალებთან დაკავშირებით. "რამდენი რადონია ჩვენს სახლში, რა თქმა უნდა, არ ვიცით, მაგრამ ვიცით, რამდენია ამერიკელისა თუ შვეიცარიელის სახლში! ასეთი მონაცემები შეგიძლიათ ამერიკულ გამოცემებში ნახოთ. რადონის შემცველი სახლები აშშ-ში ფასდაკლებით იყიდება. ამ მხრივ ქართულ ბაზარზე სრული ქაოსია, რადგან ასეთი პროდუქცია არ მოწმდება. ამ დროს სულ უფრო მეტი ადამიანი იწამლება არა საკვებით, არამედ სამშენებლო მასალებითა და სამზარეულოს ნივთებით, რომელთა უმრავლესობა ჯანმრთელობისთვის საშიშია. ადამიანი ცხოვრების საკმაო ნაწილს სამზარეულოში ატარებს, რომელიც მავნე ფაქტორების ზემოქმედების ერთობლიობით მავნე წარმოებას შეიძლება შევადაროთ. სწორედ ამიტომ ვამბობ, რომ სამზარეულო ყველაზე საშიში ადგილია სახლში და ამ შემთხვევაში ხარისხს ადამიანმა განსაკუთრებული ყურადღება უნდა მიაქციოს", - განუცხადა "ბიზნეს-რეზონანსს" რამაზ გახოკიძემ. მომწამვლელი მასალები, როგორც სპეციალისტები განმარტავენ, ძირითადად თურქეთიდან და ჩინეთიდან შემოდის. მას მოჰყვება ეტიკეტები, რომლებიც ხშირად ისეთ ენაზეა შედგენილი, რომ მომხმარებელი ვერ იღებს ელემენტარულ ინფორმაციას პროდუქციის თაობაზე. პრობლემას დიდწილად ისიც განაპირობებს, რომ საბაჟოზე შემოსული მასალების ეკოლოგიური უსაფრთხოება არ მოწმდება და არც კონტროლი მიმდინარეობს. ასოციაციის - "მშენებლობა ფალსიფიკაციის გარეშე" თავმჯდომარე ანზორ საკანდელიძე აცხადებს, რომ ყველა მასალა, რომელიც რემონტის დროს ან უშუალოდ მშენებლობის პროცესში გამოიყენება, უნდა იყოს სერტიფიცირებული და სათანადოდ შემოწმებული. "თავისუფალი ბაზარი ამ პრობლემას ვერ მოაწესრიგებს. ყველგან არის სახელმწიფო კონტროლი. სამწუხაროდ, ულტრალიბერალურმა პოლიტიკამ ინსტიტუციურად დაანგრია ქვეყანა. აღარაფერი კონტროლდება. მოქალაქეებს, რომლებიც ეკონომიის მიზნით იაფ სარემონტო მასალებს ყიდულობენ, საბოლოოდ შეიძლება ჯანმრთელობა ისე შეერყეთ, რომ ათიათასობით ლარის გაღება მოუწიოთ ჯანმრთელობის აღსადგენად. ხელისუფლებაში მიაჩნიათ, რომ ზედმეტი მაკონტროლებელი ორგანოები ბიზნესგარემოს დააზიანებს და მომხმარებელმა არჩევანი თავად უნდა განსაზღვროს. კონტროლი აუცილებელია იმიტომ, რომ დღეს მსოფლიოში გარდაცვლილი ადამიანების ნახევარზე მეტი იღუპება სწორედ სამშენებლო ეკოლოგიური უსაფრთხოების ნორმების დარღვევით გამოწვეული დაავადებებისგან", - ამბობს საკნადელიძე. მისი თქმით, რადონის შემცველობა და მისი კონცენტრაციის დონე სათანადოდ უნდა მოწმდებოდეს როგორც საცხოვრებელ სახლებში, ასევე ბარ-რესტორნებშიც. "ჩვენი ტრაგედია ის არის, რომ საქართველოში ასეთი უმნიშვნელოვანესი ნორმების დამუშავებაზე, დაკანონებაზე, მიღებასა და გაკონტროლებაზე მუშაობა არც კი დაწყებულა. წარმოდგენაც არ გვაქვს, როგორია ჩვენი საცხოვრებელი გარემო, როცა ევროპაშიც კი რადონი ძალიან ბევრ შენობაში აღმოაჩინეს. იგი შეიძლება იყოს იმ მასალებში, რომლებისგანაც ბეტონი მზადდება - ცემენტი, ქვიშა. ამ ნივთიერების რადიონუკლეიდები განაპიროებებს რადიაციის დონის ნახევარზე მეტს, რომელსაც უშუალოდ იღებს ადამიანის ორგანიზმი. თბილისში ძალიან ბევრი ბარი და რესტორანი პირველ სართულებზე და სარდაფებშია განთავსებული და აუცილებელია მათი შემოწმება რადონის კონცენტრაციაზე", - განუცხადა "ბიზნეს-რეზონანსს" საკანდელიძემ. დასკვნა ერთია: შეიძლება ვიწამლებოდეთ სახლში, რომლის მშენებლობისა და რემონტისთვის უზარმაზარი თანხა და შრომა გვაქვს ჩადებული. მარი ჩიტაია გაზეთი "რეზონანსი"
×