Jump to content
Sign in to follow this  

Recommended Posts

თუ გგონიათ, რომ მილიონის შეგროვება მხოლოდ საკუთარი საქმით, ანუ ბიზნესით არის შესაძლებელი, მინდა გაგაწბილოთ და თან გაგახაროთ, თქვენ ცდებით! განსხვავება მხოლოდ ვადებშია, მაგრამ მანამ, სანამ სკეპტიკურად შეხედავდეთ ამ “ვადებს”, მინდა დაფიქრდეთ იმაზე, რომ მკითხველების 90%-ს ერთიანად, არათუ მილიონი, არამედ 10000 ლარიც კი არ ექნება ნაღდი ფულით, თუ საბანკო ანგარიშზე მთელი მისი სიცოცხლის განმავლობაში.


თანამედროვე საბანკო სისტემა გვთავაზობს ისეთ ტიპის პროდუქტებს, როგორიც არის ვადიანი და დაგროვებითი ანაბრები. მართალია, მათი საპროცენტო სარგებელი აღფრთოვანებას არ იწვევს, თუმცა მათი გონივრული, კომბინაციით რამდენიმე წელიწადში, მილიონის დაგროვება სრულებით რეალურია.

სანამ კონკრეტულად სქემის განხილვაზე გადავიდოდეთ, მინდა ერთ ძალიან სასარგებლო ჩვევაზე შევაჩერო თქვენი ყურადღება. ეს ჩვევა მდგომარეობს ჩვენი ყოველთვიური შემოსავლის 1/3-ის დაზოგვაში და სწორედ ამ თანხის მილიონად გადაქცევის სქემაზე ვისაუბრებთ შემდგომ.

განვიხილოთ ხელფასების 300 – 3000 ლარიანი დიაპაზონი, რაც მიახლოებულია ჩვენი ქვეყნის დღევანდელ რეალობას. 1/3-ის დანაზოგის შესაბამისად გვექნება 100 – 1000 ლარიანი დიაპაზონი, რომელიც ყოველთვიურად შეგვიძლია შევიტანოთ ანაბარზე. მაგალითისთვის, ავიღოთ ამ მომენტში, საქართველოში ერთ-ერთი წამყვანი ბანკის მიერ შემოთავაზებული ვადიანი და დაგროვებითი ანაბრების საპროცენტო განაკვეთები: 10, 2% და 9.8% ლარში, შესაბამისად ვადიანი და დაგროვებითი ანაბრებისთვის. იდეა მდგომარეობს შემდეგში: ყოველთვიურ X თანხას 100 – 1000 ლარიანი დაიპაზონიდან ვდებთ დაგროვებით ანაბარზე 1-წლიანი ვადით. ერთი წლის თავზე, ამ დაგროვებით ანაბარზე დაგროვებულ თანხას დარიცხულ პროცენტთან ერთად ვდებთ 1-წლიანი ვადით უკვე ვადიან ანაბარზე და ამავდროულად ვხსნით ახალ 1-წლიან დაგროვებით ანაბარს და იმავე სქემით ვაგროვებთ თანხას, რათა ეს თანხა ერთი წლის თავზე დავუმატოთ ახალ 1-წლიან ვადიან ანაბარს. ასე და ამგვარად, ეს სქემა თქვენი სურვილისამებრ კონკრეტული ვადით მეორდება. შესაბამისად, თუ X თანხად ავიღებთ 100 ლარს, ანუ ყოველთვიურად დავზოგავთ 100 ლარს და მოვიქცევით ამ ზემოხსენებული სქემის მიხედვით 46 წლის თავზე ჩვენს მიერ დაგროვებული თანხა მილიონს გადასცდება, შესაბამისად, 300 ლარის შემთხვეაში – 35 წელში, 500-ის შემთხვაში – 30 წელში, ხოლო 1000-ის უკვე 23 წელში მილიონერი გავხდებით.

მავანს, ეს ვადები, ხანგრძლივად და უაზროდ მოეჩვენება, მაგრამ მე ამ სტატიის პირველი აბზაცის ხელახლა გადაკითხვას შემოგთავაზებთ და აქვე დავსძენ, რომ არ არის აუცილებელი მაინცდამაინც მილიონამდე ახვიდეთ. თქვენი მიზანი, კონკრეტულ შემთხვევაში, შეიძლება ბინის ან მანქანის ყიდვა იყოს და ზემო სქემა ამ შემთხვევაშიც გამოგადგებათ.

1511195950_photo.jpg


კი არ შეგიყვარდა, ასოციაციური, სიმბოლური, გამოცდილებისა და მიმდინარე მდგომარეობის კომპლექსური დამოკიდებულება გაგიჩნდა. © Estrella

Share this post


Link to post
Share on other sites

Create an account or sign in to comment

You need to be a member in order to leave a comment

Create an account

Sign up for a new account in our community. It's easy!

Register a new account

Sign in

Already have an account? Sign in here.

Sign In Now
Sign in to follow this  

  • Recently Browsing   0 members

    No registered users viewing this page.

×